Redmi K30 melomanları sevindirəcək
Bu gün portativ cihazda keyfiyyətli səs almaq üçün bahalı audiopleyer almaq vacib deyil
Etibarlı hindistanlı şəbəkə informatoru Mukul Şarma (Mukul Sharma) Redmi K30 smartfonunun yeni bir posterini nəşr edib.
TED.az xarici mətbuata istinadən xəbər verir ki, söhbət yenə Redmi-nin yeni flaqmanının musiqi imkanlarından gedir. Xatırladaq ki, bu yaxınlarda Redmi K30-da yüksək səslənməni təmin edən 1217 tipli böyük bir səsgücləndirici istifadə edildiyi və korpusda qulaqlıq qoşulması üçün standart 3,5 konnektor olduğu məlum oldu.
Bu gün portativ cihazda keyfiyyətli səs almaq üçün bahalı audio pleyer almaq vacib deyil. Bir çox müasir smartfonlar getdikcə xüsusi audioçiplərlə təchiz olunur və onların Hi-Res Audio dəstəyi var.
Belə qurğulara rəsmi olaraq Hi-Res Audio dəstəyini almış gələcək Redmi K30 da aiddir.
Həmçinin NFC modulunun mövcudluğu da təsdiqlənən Redmi K30-un təqdimatı dekabrın 10-da gözlənilir.