"Bakı yollarında tıxaclar süni şəkildə yaradılır".

Bunu TED.az-a açıqlamasında nəqliyyat üzrə ekspert Eldəniz Cəfərov deyib.

Eldəniz Cəfərov bildirib ki, Azərbaycanda hər 100 nəfərə düşən avtomobillərin sayı 13-dür: "Digər ölkələrdə isə 100 nəfərə 50 və ya 60 avtomobil düşür. Baxmayaraq ki, bizdə adam sayına düşən avtomobil sayı azdır, amma yenə də paytaxtda tıxaclar tənzimlənmir. Hesab edirəm ki, Dövlət Yol Polisi (DYP) istədiyi halda gəlib yolu bağlamamalıdır. Yollar yalnız dövlət başçısının keçdiyi zaman təhlükəsizlik məsələlərinə görə bağlana bilər. Məncə, yol polisinin istənilən an yolu bağlama hüququ götürülməlidir. Bu razılaşdırılmış formada həyata keçirilməlidir".

Ekspert hesab edir ki, Bakıda olan tıxacların qarşısını almaq olduqca sadədir: "Tıxaclar yol polisi tərəfindən olduqca rahat tənzimlənə bilər. Eyni zamanda, Bakı Nəqliyyat Agentliyi (BNA) tərəfindən də. Amma təəssüf ki? Bakı şəhərində yol polisinin əlində proqram və ya yol xəritəsi yoxdur. Onlar da sadəcə əsas yola gəlib birləşən perpendikulyar yolları bağlayırlar və bildirirlər ki, ancaq bu yoldan hərəkət olsun. Bu zaman isə hardasa bir saat o yol bağlı qalır".

Zeynəb ƏKBƏR