AZ

Vüsal Qasımlı: Azerp.az portalı sahibkarlığın inkişafına dəstək verəcək

10.12.2019 15:05

“Azərbaycanda rəqəmsal transformasiya hakimiyyətin qolları, maliyyə-bank sektoru və iri müəssisələrdə daha sürətlə gedir”.

 

TED.az xəbər verir ki, bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyib.

 

Vüsal Qasımlı bildirib ki, kiçik və orta biznesin real vaxt rejimində resurslarının planlaşdırılması üçün www.azerp.az portalı yeni imkanlar təqdim edir: Sahibkarlar ERP proqram təminatından istifadə etməklə marketinq, müştəri əlaqələri, layihə idarəetməsi, insan resursları, mühasibat, anbar təsərrüfatı, satınalmalar, istehsalat kimi fəaliyyətləri vahid bir sistem vasitəsilə idarə edəcəklər. Beləliklə, ERP-nin tətbiqi ilə müəssisələrimiz idarəetmənin səmərəliliyini artıracaq, resurslara qənaət edəcək, kibertəhlükəsizliyi gücləndirəcək və ən əsası daha rəqabətqabiliyyətli olacaqlar. İİTKM-in digər layihələri – Azexport.az, Enterpriseazerbaijan.com, “Bir Pəncərə” İxraca Dəstək Mərkəzi və Rəqəmsal Ticarət Qovşağı birlikdə www.azerp.az portalı ilə bir ekosistem şəklində sahibkarlığın inkişafına dəstək verəcəklər”.

“Eyni zamanda İİTKM digər dövlət qurumları, innovativ şirkətlər və beynəlxalq təşkilatlarla əməkdaşlıq edərək kiçik və orta biznesin rəqəmsal transformasiyasını dəstəkləyəcəkdir. Bu yolla müəssisə səviyyəsində strategiya və texnologiyaların uğurlu vəhdətini vermək mümkündür”,-deyə Mərkəz direktoru qeyd edib.

 

e-Azərbaycan bölməsindən digər xəbərlər

Daha çox