Dünyaca məşhur yarışçı Lyuis Hemilton Mercedes-AMG One adlı hiperkarın ən yeni seriya öncəki nüsxəsini sınaqdan keçirib.

TED.az xarici mətbuata istinadən xəbər verir ki, həmin avtomobil üçün istehsalçı tərəfindən 2,7 mln. dollar məbləğində qiymət müəyyən ediləcək. Model Mercedes F1 avtomobillərində istifadə olunan 1,6 litrlik turbirləşmiş aqreqata malikdir. Yarışçının sözlərinə görə, test edilmiş nüsxə seriya istehsalına çıxmağa hazır olduğunu nümayiş etdirib.

Hemiltonun fikrincə, tamamlama yalnız multimedia funksiyalarına və bəzi variantlara toxuna bilər. Alman konserninin hiperkarın dəyərini açıqlamasına baxmayaraq, rəsmi premyeranın tarixi hələ də gizli saxlanılır.