Nəqliyyat üzrə ekspert Eldəniz Cəfər dünən Binəqədidə “KamAZ” maraklı yük maşınının iki şagirdi vuraraq öldürməsindən danışıb.

TED.az-a eksklüziv açıqlamasında ekspert bildirib: “İlk növbədə onu qeyd etmək lazımdır ki, hadisə yaşayış ərazisində baş verib. Yəni qəza hansısa qeyri-yaşayış ərazisində baş versəydi, yol işıqforla tənzimlənməsəydi, günahkar piyada olacaqdı. Amma hadisə baş verən yer kəsişmədir, yol da bağlanıb. Üçtərəfli hərəkət var. İşıqfor iki istiqamətdə hərəkəti saxlayıb, üçüncü istiqamətdə isə yol açıqdır. Amma orada işıqfor yolu bağladığına görə, piyadanın yolu keçmək haqqı var. “KamAZ” sürücüsü piyadalara mütləq yol verməliydi. Ona görə də birmənalı olaraq günah yük maşının sürücüsündədir”.

Cavid QƏDİR