“Snatch” şifrələyicisinin müəllifləri antivirus proqramlarını dəf etmək üçün yeni texnikadan istifadə edirlər.

TED.az-ın Xüsusi Rabitə və İnformasiya Təhlükəsizliyi Dövlət Agentliyinin Kompüter İnsidentlərinə qarşı Mübarizə Mərkəzindən əldə etdiyi məlumata görə, ziyanverici “Windows”u təhlükəsiz rejimdə yenidən başladır, daha sonra faylların şifrələnməsi prosesinə start verilir.

“Snatch”ı işləyib hazırlayan kibercinayətkarlar “Windows” reyestrində əməliyyat sistemini təhlükəsiz rejimdə yenidən başlatmağa imkan verən xüsusi açardan istifadə edirlər.

Cinayətkarların tətbiq etdiyi bu proqramı “Sophos Labs” şirkətinin tədqiqatçıları üzrə çıxarıblar.

“Şantajçıların yaratdığı təhlükəyə etinasız yanaşmaq olmaz”, - deyə ekspertlər həyəcan təbili çalırlar.