iPhone 4 son onilliyin ən yaxşı qaceti seçildi
“The Verge” son onilliyin ən yaxşı Top-100 aparıcı qacetinin reytinqini açıqladı. TED.az xəbər verir ki, ilk yeri iPhone 4 tutdu. Təəccüblü deyil, çünki bir zamanlar bu, həqiqətən irəliləyiş idi - smartfon sadəcə mükəmməl görünürdü. Hər il yeni iPhone həyəcanı getdikcə azalır, hər kəs alışmağa başlayaraq qeyri-adi bir şey gözləyirlər. Ancaq iPhone 4 əsl Apple pərəstişkarlarının ürəyində artıq öz yerini tutub.
"The Verge"in jurnalistləri seçimin onlar üçün asan olmadığını bildiriblər. iPhone 4-də bunların hamısı vardı: ilk Retina ekran, ilk selfie kamera, ilk dəfə rəsmi olaraq əməliyyat sistemi iOS adlandırıldı, ilk dəfə Apple öz hazırladığı A4 çipini yerləşdirdi və s. Nəşrin baş redaktoru Nilay Patel IPhone 4-ü, hətta "indiyə qədər yaradılan ən gözəl smartfon" adlandırdı.
“The Verge”ə görə ən yaxşı 10 qacet:
1. iPhone 4 (2010)
2. Amazon Echo (2014)
3. Macbook Air (2013)
4. Samsung Galaxy S6 (2015)
5. Tesla Model S (2012)
6. AirPods (2016)
7. Apple Watch Series 3 (2017)
8. Microsoft Surface Pro 3 (2014)
9. PlayStation 4 (2013)
10. Google Pixel 2 (2017)
Siyahıda, həmçinin elektron siqaret Jool, Instax mini 9 təcili çap kamera, veb-kamera üçün örtük, GoPro Hero 8 Black ekşn-kamera və bir çox digər maraqlı qacetlər var