AZ

2020-ci ildə 6 trilyon dollarlıq kiberhücum reallaşacaq

c34ae3e5c3519267ce6d70b66bc55522.jpeg
29.12.2019 15:53

Dünya 2020-ci ildə 6 trilyon dollarlıq kiberhücum riskini almağa hazırlaşır. IoT əsaslı ağıllı cihazların 2020-ci ildə kiberhücumların hədəfi olduğunu ifadə edən Berqnet Firewall yeni ildə istifadəçiləri diqqətli olmağa çağırıb.

 

TED.az xəbər verir ki, keçən il dünyada 700 milyona yaxın insan kiber hücumların qurbanı olub. Bu hücumlardan kiber quldurlar 1,5 trilyon dollar gəlir əldə ediblər. Gələn il kiberhücumların vurduğu zərərin dünya miqyasında 6 trilyon dollara çatacağı gözlənilir.

 

 

Artıq dünyada 17 milyard ağıllı cihaz var. Qapı zəngi, soyuducu, işıqlandırma, istilik, avtomobil və təhlükəsizlik sistemləri kimi bir çox yerdə həyatımızla təmasda olan IoT (əşyaların interneti) əsaslı ağıllı qurğular, kiberhücumlar nəticəsində ən çox zərər görən cihazlardan hesab olunur.

 

Fərdi kompüterlərdə mənfi məqsədli proqram istifadəsində Çin və Tayvandan sonra üçüncü yerdə Türkiyə yer alır. Əslində bu virusların kompüterinizə zərər verdiyini deyə bilmərik. Kiber hakerlər çox vaxt bu viruslardan şəxsi məlumatları oğurlamaq üçün istifadə edirlər və bunu arxa planda sakit aparırlar. Bundan başqa, pullu proqramları pulsuz edən crack sənədlər də təhlükəsizliyinizi şübhə altına alır.

 

İstifadə olunan şifrələrə nəzər yetirdikdə istifadəçilərin parol yaradarkən diqqət etməli olduqları qaydalara əməl etmədikləri görünür. Bu səbəbdən kiber hakerlər bir neçə cəhddən sonra parolların şifrəsini asanlıqla açarlar.

 

 

 

2019-cu ildə ən çox istifadə edilən şifrə "12345" olub. Bu sadə parol cəmi 2,8 milyon istifadəçi tərəfindən istifadə edilib. "123456" siyahıda ikinci, "123456789" isə üçüncü yeri tutub.

 

Siyahının qalan hissəsinə baxdığımız zaman "test1", “ asdf ” ,“ qwerty ” , "i love you" kimi şifrələr ən çox istifadə olunanlardandır.

 

Təhlükəsizlik tədqiqatçıları deyirlər ki, insanlar yadda saxlanması çətin olan parolların əvəzinə daha sadə simvolları olan şifrələrə üstünlük verirlər. Mütəxəssislər sadə şifrələrdən istifadə edənlərin böyük təhlükə altında olduğunu xəbərdar edirlər. Yuxarıda göstərilən şifrələrdən birini istifadə edirsinizsə, daha çətin bir parol yaratmalısınız.

 

Dünya bölməsindən digər xəbərlər

Daha çox