"WhatsApp" messenceri 2020-ci ilə yeni rekordla daxil olub.

TED.az-ın Türkiyə mətbuatına istinadən verdiyi məlumata görə, 31 dekabr 2019-cu ildə "WhatsApp"da göndərilən mesaj sayı platformanın 10 illik tarixində ən yüksək göstərici olub.

Hazırda ən çox istifadə edilən mesajlaşma proqramında bayram günü 100 milyard mesaj göndərildiyi açıqlanıb. Bu mesajların 12 milyardı foto olub. Təkcə Hindistanda həmin gün 20 milyard mesajlaşma qeydə alınıb. 

"WhatsApp" vasitəsilə ilin son günündə bir saatda orta hesabla 4,1 milyard mesaj göndərilib. 

Qeyd edək ki, "WhatsApp" Çin xaric bütün ölkələrdə istifadə edilir.