Bu quruma 4 milyondan çox elektron müraciət daxil olub
Ötən ilin yekunlarına əsasən, Dövlət Gömrük Komitəsinə 4 545 477 elektron müraciət daxil olub.
TED.az xəbər verir ki, bu barədə Dövlət Gömrük Komitəsinin hesabatında deyilir.
Müraciətlərin 1 669 312-si fiziki şəxslər tərəfindən Azərbaycanın gömrük-keçid məntəqələrində keçirilən malların və nəqliyyat vasitələrinin bəyan edilməsi üzrə sadələşdirilmiş elektron bəyannamələrdir.
119 769-u xarici ticarət iştirakçılarının həyata keçirdikləri idxal-ixrac əməliyyatları barədə statistik məlumatların verilməsi, 1237-si e-Gömrük Ekspertizası, 48 856-i e-GÖÖEN (Gömrük ödənişlərinin ödəyicisinin eyniləşdirmə nömrəsinin alınması) ilə bağlı olub.
Eləcə də, 2 222 494-ü müraciət gömrük əməliyyatları və ya gömrük prosedurları ilə bağlı ödəniləcək gömrük ödənişlərinin həyata keçirilməsi, 1756-sı vətəndaşlardan Dövlət Gömrük Komitəsinə daxil olan sorğu və məktubların icrasının müraciət edənlər tərəfindən onlayn izlənməsi, 482 053 isə gömrük rəsmiləşdirilməsi başa çatmış elektron gömrük bəyannamələri ilə bağlıdır.
Zeynəb ƏKBƏR