Ən yaxşı halda, cari ilin sonunda

Bu gün 5G dəstəyi olan ən əlçatan smartfon Redmi K30 5G-dir. Çində baza versiyasında bu cihaz 290 dollara başa gəlir. Realme X50 5G-nin də baza versiyasında dəyəri təxminən eyni olmalıdır.

TED.az xarici mətbuata istinadən xəbər verir ki, bu da hələ ən əlçatan smartfonlar deyil. Yeni cihaza bu qədər pul xərcləmək istəməyənlər üçün 5G ilə olan smartfonları nə vaxt gözləmək olar? Huawei şirkətinin 5G şöbəsinin rəhbəri Janq Çaobin (Yang Chaobin), bu ilin sonunda və ya növbəti ilin əvvəlində Çin nəhənginin təxminən 150 dollar dəyərində olan 5G smartfonlarını bazara çıxara biləcəyini iddia edir.

Bu barədə heç bir ətraflı məlumat yoxdur, lakin bu cür modellərin buraxılması üçün şirkətin 5G ilə tamamilə yeni bir platformaya ehtiyacı olduğu aydındır. Əgər Google ilə bağlı vəziyyət həll edilməsə, bu cür qurğular doğma bazarın içində qala bilər. İstifadə planları barədə isə (məsələn, ən yeni MediaTek platformalarından istifadə planları haqqında) Huawei şirkəti hələ bir şey söyləməyib.