Xiaomi Mi 10-un təqdimat tarixi dəyişib

Mütəmadi olaraq Xiaomi, Redmi məhsulları və s. haqqında maraqlı xəbərlərlə bölüşən və özünü Xiaomishka ləqəbi altında tanıdan insayder, yeni Xiaomi Mi 10 flaqman smartfonu haqqında məlumatları paylaşıb.

O, Çin xəbərçisi Digital Chat Station-a istinad edərək, Xiaomi Mi 10-un standart versiyasının birkristallı Qualcomm Snapdragon 865 sistemi və 108 meqapikselli kamera ilə təchiz olunacağını bildirir. Yenilik bazarda bu cür xüsusiyyətlərə malik olan ən ucuz smartfon adına iddialıdır. 

TED.az xarici mətbuata istinadən xəbər verir ki, bundan başqa, Çin internet şəbəkə mənbəyi Xiaomi Mi 10-un təqdimatının bir gün irəli çəkildiyini iddia edir. Əvvəllər smartfonun fevralın 11- də Samsung Galaxy S20 ilə eyni gündə təqdim ediləcəyi planlaşdırılırdı, indi isə mətbuat konfransı fevralın 10-na keçirilib.

Məlumatlandırılmış informatorlar bildirirlər ki, Xiaomi artıq DxOMark laboratoriyasına ən yaxşı kamerofonların reytinqində başçılıq edəcək Xiaomi Mi 10 Pro-nun yeni flaqman smartfonu göndərib.