Xiaomi-nin yeni “Y- Smart Bike V1-PLUS” idman velosipedi təqdim edilib.

TED.az xəbər verir ki, bu velosiped fərdi məşqçi olmadan müstəqil idman dərslərini həyata keçirməyə imkan verir. Cihazın əsas xüsusiyyətlərindən biri idman dərslərinin səmərəliliyini təmin edən 19,5 düymlük displeyidir.

“Smart Bike V1-PLUS”un 19,5 düymlük ekranı videoları real vaxt rejimində göstərir.

Velosipedi 3000-dən çox özünəməxsus idman video dərsləri ehtiva edir. “Yesoul” tətbiqindən istifadə edərək istifadəçi təlim zamanı öz bədəninin vəziyyətini də izləyə bilər.

Qeyd edək ki, “Smart Bike V1-PLUS” idman velosipedinin qiyməti 145 ABŞ dolları olacaq. Yeniliyin ilk olaraq qara və ağ versiyaları satışa çıxarılacaq.