Kirayə mexanizmi çərçivəsində elektron müraciətlərin qəbuluna bu gün, saat 10:00-dan başlanılacağı açıqlanmışdı.

TED.az xəbər verir ki, saat 10:00-a az qalmış “Elektron ipoteka və kredit zəmanət” sisteminə daxil olmaq mümkün olmayıb.

İlk yerlərdən sıra nömrəsi almaq üçün bu gün minlərlə vətəndaşın sistemə daxil olacağı gözlənilirdi.

Ekspert Samir Həsənovun fikrincə, sistemin “çökməsinə” səbəb yüklənmə olub: “Hesab edirəm ki, bu gün səhər saatlarında çoxlu sayda müraciət olub. Müraciətlərin çoxluğu serverdə problem yaradıb, DDoS (Distributed denial of service - Paylanmış xidmətdən imtina) baş verib. Belə olan halda server müraciətlərə cavab verə bilməyib”.

İpoteka və Kredit Zəmanət Fondundan məsələ ilə bağlı hələ ki, heç bir açıqlama verilməyib.

TED.az