WhatsApp messencerinin çöküşünün ardınca Tvitter şəbəkəsində də problem yarandı
Android əməliyyat sistemi istifadəçisinin 81%-i Tvitter tətbiqindən şikayət edib.
Populyar sosial şəbəkə olan Tvitter istifadəçiləri şəbəkənin çökməsindən şikayət ediblər.
TED.az xəbər verir ki, bu haqda "Ресурс DownDetector" portalı məlumat yayıb.
Məlumata görə, problem bir neçə saat ərzində davam edib. Sosial şəbəkədə yaranmış problemdən daha çox Yaponiya istifadəçiləri şikayət ediblər.
Eyni zamanda ABŞ, Braziliya və Böyük Britaniya istifadəçiləri də sosial şəbəkədə problem olduğunu qeyd ediblər.
Maraqlıdır ki, problem əsasən Andorid əməliyyat sisteminin istifadəçilərində müşahidə olunub. İstifadəçilərin 10%-i veb-servisin çökdüyünü, 8%-i isə hesabına daxil ola bilmədiyini vurğulayıb.
Qeyd edək ki, ötən həftə iPhone istifadəçilərində, bir neçə gün əvvəl isə WhatsApp şəbəkəsində kütləvi çökmə müşahidə olunub.