AZ

Gənclər üçün rəqəmsal texnologiyalardan səmərəli istifadə mövzusunda seminar keçiriləcək

24.01.2020 09:15

Gənclər Fondunun maliyyə dəstəyi, Bakı Mühəndislik Universitetinin Texnoparkı və İnnovasiya mərkəzinin, Azərbaycan Robotexnika Mühəndisliyi Akademiyasının (AREA) təşkilati dəstəyi ilə "Gənclərin rəqəmsal texnologiyalardan səmərəli istifadəsi yolları" layihəsi keçiriləcək.

 

TED.az xəbər verir ki, layihənin əsas məqsədi trend sayılan Digital Twin texnologiyasının gənclərimiz arasında təbliği, onun yaratdığı geniş imkanların çatdrılması, texnoloji problemlərə innovativ həllərin tapılması, yeni texnologiyalarla gənclərin işləmə qabiliyyətinin formalaşdırılması, ən əsası ölkənin sürətlə inkişaf edən sənaye texnologiyasına töhfə verməkdir.

 

Layihə çərçivəsində texnologiya ilə yaxından maraqlanan, təməl mühəndislik biliklərinə malik tələbələr, sənayedə çalışan gənclər, şəxsi biznesini qurmaq istəyən, startup ilə məşğul olan, yaşı 16-29 aralığında olan gənclər üçün "Digital Twin" texnologiyaları və "Digital Twin" texnologiyasının Matlab proqram təminatında istifadəsinə dair nəzəri və praktiki seminar təşkil ediləcək.

 

Qeyd edək ki, yeni texnologiya özündə bir sıra trendləri birləşdirir: maşın öyrənməsi (machine learning), süni intellekt (artificial intelligence). Layihəyə 75 nəfər iştirakçı seçiləcək.

 

Layihə məkan olaraq Bakı Mühəndislik Universiteti, Azərbaycan Texniki Universiteti, Sumqayıt Dövlət Universitetində reallaşacaq.

 

Layihədə iştirak etmək üçün bu LİNK vasitəsilə qeydiyyatdan keçə bilərsiniz. Qeydiyyat yanvar ayının 28-də yekunlaşacaq.

 

 

 

Elm bölməsindən digər xəbərlər

Daha çox