Google axtarış sisteminin “çökməsi” ilə bağlı istifadəçilərdən kütləvi şikayət daxil olub.

TED.az xəbər verir ki, bu haqda Downdetector portal məlumat yayıb.

Şikayətin böyük əksəriyyətində bildirilib ki, YouTube videohostinqdən və Gmail elektron poçt ünvanından istifadə mümkün deyil. İstifadəçilərin 65%-i servisə daxil ola bilmədiklərini, təxminən 34%-i isə axtarışın mümkün olmadığını qeyd ediblər.

Google-la bağlı yaranmış problem əsasən, ABŞ, Kanada, Braziliya, Almaniya, Fransa, Böyük Britaniya, Portuqaliya, İspaniya və Kolumbiyada müşahidə olunub. Həmçinin mövcud problem Rusiyanın Kazan, Moskva və Sankt-Peterburq  şəhərlərində də qeydə alınıb.