Böyük texnologiya şirkətləri qazanclarını artırmaq və müxtəlif sahələrdə fəaliyyətlərini daha da aktivləşdirmək üçün satınalmalar həyata keçirirlər.

Bu satınalmalar bəzən uğursuz nəticələnir, bəzən də şirkətlərə qazanclarını artırmağa imkan yaradır.

Son illlərin ən yaddaqalan satınalmaları Google və Feysbuka  məxsusdur.

TED.az olaraq şirkətlərin satınalmaya ödədikləri miqdarı və illər sonra bu satınlamadan geri qazandıqları gəlirləri araşdırdıq.

Facebook-un İnstaqram YATIRIMI

Feysbuk bir müddət öncə Cambridge Analytica  qalmaqalı ilə gündəmə gəldi və bu hadisə şirkətin əvvəlki nüfuzunu itirməsinə səbəb oldu. Buna baxmayaraq, şirkət milyardlar qazanmağa davam edir.

2012-di ildə Feysbuk  dünyanın ən məşhur foto paylaşım platforması olan İnstaqramı  1 milyard dollara satın aldı. Bu, böyük bir məbləğ kimi görünsə də,  hər kəs Feysbukun  İnstaqramdan necə pul qazanacağı ilə maraqlanırdı.  2012-ci ildə İnstaqramın reklam gəlirləri açıqlanmadı. Lakin bu satınalmadan sonra, 2019-cu ildə İnstaqram 20 milyard dollar qazandı. Bu qazancla şirkət hətta Feysbuku da  üstələmiş oldu. Nəticədə, Feysbuk İnstaqrama yalnız 1 milyard dollar ödəyərək 2019-cu ildə 20 milyard dollar qazandı.

Həmçinin oxu: Dünyanın ən innovativ ofisləri – FOTOLAR

Google-un YouTube YATIRIMI

Digər maraqlı və ən çox danışılan satınalma  Google-a məxsusdur. Şirkət 2006-cı ildə YouTube-a 1,65 milyard ödəyərək öz tərkibinə qatdı. İllərdir YouTube-un bu satınalmadan nə qədər qazandığını öyrənə bilmirik. Şirkət heç yerdə bu məlumatı açıqlamırdı. Lakin Google bu il fərqli qərar qəbul etdi və YouTube-dan qazandığı gəlirləri açıqladı.  Paylaşılan məlumata  görə, 2019-da Google-un platformadan əldə etdiyi gəlir 15 milyard dolları keçib.

Məltəm TALIBZADƏ