SON DƏQİQƏ: Mobil Dünya Konqresi-2020 ləğv edildi
24-27 fevral tarixlərində İspaniyanın Barselona şəhərində gerçəkləşəcək Mobil Dünya Konqresi-2020 ləğv edilib.
TED.az Türkiyə mətbuatına istinadən xəbər verir ki, Apple, Tesla kimi bir çox nəhəng kompaniyalar koronavirus təhlükəsindən dolayı Çindəki fabriklərində istehsalı dayandırdığı bir vaxtda Nokia, Feysbuk, Intel, Sony, Amazon, LG, AT&T, Cisco, Vivo, Ericsson, Sprint və Nvidia şirkətləri təhlükəsizliyi qorumaq üçün Mobil Dünya Konqresi-2020 sərgisinə qatılmayacaqlarını açıqlayıblar.
Bununla əlaqədar təşkilatçı GSM Association şirkətində təcili toplantı çağırılıb. Nəticədə builki sərgini ləğv etmək qərarı verilib.
Qeyd edək ki, sözügedən konfrans dünyanın ən büyük mobil industriya sərgisi hesab olunur. Mobil operatorları, cihaz istehsalçıları, texnologiya təminatçıları eləcə də bu sahədə çalışan digər hüquqi şəxsləri təmsil edən idarəçilər sərgidə bir araya gəlir, bu sahədəki yenilikləri təqdim edirlər.