AZ

Nazir müavini: Rəqəmsal təhsil üçün Azərbaycanda mühüm addımlar atılıb

İdris -İsayev
13.02.2020 15:30

“İqtisadi inkişafın dinamikası fonunda təhsil sisteminin müasir iqtisadiyyatın tələblərinə uyğunlaşdırılması mühüm məsələlərdəndir”.

 

TED.az xəbər verir ki, bunu “Rəqəmsal iqtisadiyyat, müasir çağırışlar və real imkanlar” konfransında çıxış edərkən təhsil nazirinin müavini İdris İsayev deyib.

 

Nazir müavini bildirib ki, qloballaşma dövründə təhsil sistemlərinin milli iqtisadiyyatların qlobal dəyər zəncirinin tərkib hissəsinə çevrilməsi bu əlaqəliliyin aktuallığını daha da artırır: “Müasir texnoloji inkişaf fonunda iqtisadi tələblərin formalaşdırdığı yeni çərçivələrin müəyyən olunması günümüzün mühüm reallığını, öyrənmə və öyrətmə prosesinin bu tələblər üzərində qurulması isə təhsil sisteminin bütün pillələri üzrə cavabdehliyin əsasını təşkil edir. Rəqəmsal inqilabın tələblərinə cavab vermək üçün Azərbaycanda təhsil sahəsində mühüm addımlar atılıb”.

 

“Ölkənin 6 bölgəsində 123 məktəbi əhatə edən “Rəqəmsal bacarıqlar” layihəsi icra olunur. Bu layihəyə 70 mindən çox şagird cəlb olunub. Layihənin məqsədi şagirdlərin rəqəmsal bacarıqlarını üzə çıxarmaqdır”, – deyə İdris İsayev qeyd edib.

 

Elm bölməsindən digər xəbərlər

Daha çox