Kənd Təsərrüfatı Nazirliyinin Aqrar Elm və İnnovasiya Mərkəzi, Azərbaycan Dövlət Neft və Sənaye Universitetinin “Eazi Start” Startap və İnnovasiya Mərkəzinin təşkilatçılığı ilə “AgroHackathon 2020” müsabiqəsinə start verildi.

TED.az xəbər verir ki, “Uzun il, qısa vaxt” şüarı ilə 29 fevral – 2 mart 2020-ci il tarixlərində keçiriləcək yarışmada komandalar 2020 dəqiqə müddətində verilən texniki tapşırıq əsasında işləyərək öz güclərini sınayacaqlar.

“AgroHackathon 2020” müsabiqəsi üzrə fərqlənmiş komandalar pul mükafatı və digər qiymətli hədiyyələrlə mükafatlandırılacaqlar. Yarış zamanı Tərəvəzçilik Elmi-Tədqiqat İnstitutunun ərazisində həm komandalar, həm də onların azarkeşləri üçün xüsusi yerlər ayrılacaq, ekoloji təmiz qida və şirələrlə təmin olunacaqlar.

Yarışa qatılmaq istəyən komandalar bu LİNK vasitəsilə qeydiyyatdan keçə bilərlər.