AMEA-nın Yüksək Texnologiyalar Parkında (YT Park) bu müəssisənin Ekspertlər Şurasının iclası keçirilib. 

Bu barədə TED.az-a YT Park-dan məlumat verilib.

AMEA-nın vitse-prezidenti, akademik Rasim Əliquliyev süni intellekt texnologiyaları sahəsində multidissiplinar tədqiqatların aparılmasının əhəmiyyətindən bəhs edərək, bu istiqamətin müasir dövrdə böyük aktuallıq kəsb etdiyini vurğulayıb. Mütəmadi olaraq dəstək verildiyini, müəyyən vergi güzəşlərinin edildiyini və burada tətbiqi tədqiqatlar üçün münbit şəraitin yaradıldığını deyən R.Əliquliyev müəssisəyə gənclərin cəlb edilməsi, startap layihələrə dəstək verilməsi və müxtəlif sərgilərin təşkil olunmasının vacibliyini qeyd edib.

Bildirilib ki, prioritet istiqamətlərdə aparılan tədqiqatların və innovativ layihələrin istehsalatda tətbiqi, dünya bazarına çıxışı, o cümlədən elmin maliyyələşdirilməsi son dərəcə aktual məsələlərdir. Bu məqsədlə yüksək texnologiyalardan istifadə edilməsi, dövlət sifarişlərinin qəbulu, eləcə də xarici təcrübənin öyrənilməsi məqsədəuyğundur.