Dünyanın ən məşhur video platforması YouTube-un 15 yaşı qeyd olunur.

TED.az xarici mediaya istinadən bildirir ki, yubiley münasibətilə YouTube-un sahibi Google şirkətinin mətbuat xidməti platformanın işi ilə bağlı məlumat yayıb.

Qeyd edilib ki, qeydiyyatdan keçmiş aylıq YouTube istifadəçilərinin sayı 2 milyarddan çoxdur. Hər gün xidmət istifadəçiləri bir milyard saatdan çox video izləyir və milyardlarla baxış yaradır. Eyni zamanda hər dəqiqədə 500 saatdan çox məzmun YouTube-a yüklənir.

Həmçinin Rusiyadan olan istifadəçilərlə də bağlı maraqlı statistika açıqlanıb. Bildirilib ki, YouTube Rusiyada ən populyar üçüncü saytdır. Ölkədə 1 milyondan çox abunəçisi olan 500-dən çox kanal var. Bundan əlavə, Rusiyada 100 mindən çox abunəçisi olan demək olar ki, 6000 kanal mövcuddur.