Telefon dünyasında qatlanan modellər yerini almağa başlayıb. İlk günlərdə bu telefonlara çox üstünlük verilmirdi, ancaq indi hadisələr əksinə cərəyan edir. Samsung Galaxy Z Flip smarfonunun satışı rekord qırır. Telefonu satın almaq istəyən xeyli şəxs artıq məhsulun bitməsi bildirişini alıb. 

TED.az Türkiyə mətbuatına istinadən xəbər verir ki, qatlanan modellərin bu qədər çox satılacağı təxmin edilmirdi. Ancaq statistik rəqəmlər istehsalçıların üzünü güldürməkdə davam edir. Mağazalara göndərilən telefonların demək olar ki, hamısı satılıb. 

Yaxın günlərdə internet satışları üçün ayrılan məhsulun bitəcəyi təxmin edilir. Samsung-dan rəsmi açıqlama verilməsə də, növbəti partiya üçün artıq lazımi addımlar atıldığı düşünülür. 

Galaxy Z Flip satışının gözləniləndən çox olması növbəti istehsal tarixinə təsir edə bilər. Çünki əks halda istehsalçıları gözlətmək lazım gələcək. 

Fevralın 12-də təqdim edilən modelin qiyməti 1380 dollardır.