Prokurorluq orqanlarının vətəndaşlarla onlayn əlaqəsinin yaradılmasına imkan verən “Mobil vətəndaş müraciəti” adlı tətbiq hazırlanacaq.

TED.az bildirir ki, bu barədə prokurorluq orqanları tərəfindən 2019-cu ildə görülmüş işlərin vəziyyəti və qarşıda duran vəzifələrin müzakirəsinə həsr olunmuş geniş kollegiya iclasında məlumat verilib.

Şəffaflıq və operativliyin təmin edilməsi məqsədilə prokurorluq orqanlarının funksional vəzifələri üzrə vətəndaşlarla mobil rabitənin üstünlüklərindən istifadə etməklə onlayn əlaqəsinin yaradılmasına imkan verən “Mobil vətəndaş müraciəti” tətbiqinin qısa zamanda hazırlanaraq istifadəyə verilməsi barədə iclasda Baş Prokuror tərəfindən göstəriş verilib.