Fevral ayının ortalarında havanın kəskin şəkildə istiləşməsi alimləri təşvişə salıb.

TED.az xəbər verir ki, Antraktika qitəsində ilk dəfə temperatur 20,75 dərəcəyə çataraq rekord qırıb.

Fevralın 9-da Braziliya alimləri tərəfindən Seymur adasında qeydə alınan temperatur, Ümumdünya Meteoroloji Təşkilatı tərəfindən hələ təsdiqlənməyib, ancaq qlobal istiləşmə ilə əlaqədar narahatlıqlar doğurub. Digər araşdırmalar qitənin temperaturunun bu yaxınlarda artdığını göstərir.

“Guardian” qəzetinin xəbərinə görə, fevralın 6-da Argentinanın Esperanzadakı araşdırma stansiyası 18,3 dərəcə istilik qeydə alıb. Bu, indiyə qədər materikdə qeydə alınan ən yüksək temperaturdur.

Hər 3 gündən bir uzaqdan idarəetmə monitorinq stansiyaları tərəfindən qeydə alınan məlumatları yoxlayan elm adamları son dəyərlərin "inanılmaz və anormal" olduğunu bildiriblər.