Sənaye müəssisələri və bu sahədə fəaliyyət göstərən fərdi sahibkarlar tərəfindən 2020-ci ilin yanvar ayında 4,2 milyard manatlıq sənaye  məhsulu istehsal edilib. Bu rəqəm ötən ilə nisbətən 2,1% çoxdur.

TED.az xəbər verir ki, bu haqda Dövlət Statistika Komitəsi məlumat yayıb.

Məlumata görə, emal sektorunda kompüter, elektron və optik məhsulların istehsalı 2,2 dəfə azalıb.

Avtomobil, qoşqu və yarımqoşquların istehsalı 72,8%, maşın və avadanlıqların quraşdırılması və təmiri işləri 30,7%, elektrik avadanlıqlarının istehsalı 33,3% azalıb.