AZ

Həmas agentləri israilli hərbçiləri qadın profilləri ilə aldatdılar

e192aef5957562ddc50dcb2c612428df.jpg
18.02.2020 19:50

Sosial media və mobil tətbiqlərin etibarlı olmadığını sübut edən daha bir hadisə baş verib. Sözügedən hadisənin "qəhrəmanları" isə İsrail hərbçiləri olub. 


TED.az Türkiyə mətbuatına istinadən xəbər verir ki, israilli hərbçilər Həmas agentlərinin qurduğu tələyə düşüblər. Agentlər hərbçilərin telefonundakı fərdi məlumatları oğurlamaq üçün hazırlanmış zərərli proqramları saxta qadın profilləri vasitəsilə qarşı tərəfin yükləməsinə nail olub. 


İsrail Silahlı Qüvvələrinin mətbuat katibi Həmas qrupu üzvlərinin israilli hərbçilərin telefonlarına viruslu tətbiqlər yükləməyə razı salmaq üçün gənc qız profillərindən istifadə etdiklərini açıqlayıb. 


Sözügedən tələyə bəzi hərbçilərin düşdüyünü deyən mətbuat katibi zərərli proqramların aşkarlandığı andan etibarən izlənildiyini və tamamən silindiyini açıqlayıb. 


Bu zərərli proqram endirildiyi andan etibarən istifadəçinin xəbəri olmadan telefondakı məlumatlara giriş əldə edir. Ardınca telefonda gizli rejimə keçən tətbiq istifadəçinin tətbiqi görməsinin qarşısını alır, ancaq ara planda telefondakı məlumatları ötürməyə davam edir. 


Qeyd edək ki, bənzər hadisə 2017-ci ildə də yaşanıb. İsrailli hərbçilər o zaman da bənzər tanışlıq tətbiqləri ilə aldadılmışdılar. Google Play Store-da yer alan bu tətbiq sadəcə əsgərlərin deyil, minlərlə istifadəçinin də zərər çəkməsinə səbəb olmuşdu.

Dünya bölməsindən digər xəbərlər

Daha çox