AZ

Tesla-nın avtopilot rejimində qəza törətməsinə Apple səbəb olub? 

tesla-apple
18.02.2020 20:56

Tesla-nın avtopilot sistemi digər şirkətlər ilə müqayisə olunmayacaq dərəcədə inkişaf etdirilsə də mübahisələr səngimir. 

 

TED.az Türkiyə mətbuatına istinadən xəbər verir ki, 2018-ci ilin martında Uolter Huanq adlı şəxsin Tesla ilə törətdiyi qəzada ölməsindən sonra bu mübahisələr daha da kəskin şəkil alıb.


Yayımlanan son hesabatlara görə isə günah Tesla-nın avtopilot sistemində yox ,sürücüdə olub. Milli Nəqliyyat Təhlükəsizliyi Şurasının hesabatında qeyd olunub ki, Huanqın 113 km/s sürətlə avtopilot rejimində gedən avtomaşını 101 saylı avtobanda şəridləri qarışdıraraq iki yolu bir-birindən ayıran maneəyə çırpılıb. 

 

 

Buraya qədər hər şey normal görünsə də, avtomobilin ekspertizasından sonra Huanqın daha öncə iki dəfə 101 saylı avtobanda eyni nöqtədən keçdiyi, nəyinsə düz getmədiyini anlayaraq əllə idarəyə keçdiyi aşkar edilib. 


Huanqın bu problemi Tesla-ya xəbər verib-vermədiyi məlum deyil. Amma onun Apple-da mühəndis kimi faəliyyət göstərməsi önəmli bir detalı ortaya çıxarıb. Apple-dan test üçün Huanqa iki telefon verildiyi və bu telefonların bütün istifadə məlumatlarını qeydə alındığı bildirilib. Şuranın Apple-dan məlumatları tələb etməsindən sonra aparılan araşdırmada məlum olub ki, Huanq "Three Kingdoms" adlı oyunun həvəskarı imiş. 


Huanqın iPhone 8 Plus ilə qəzadan azca əvvəl "Total War: Three Kingdoms" oynadığı aşkar edilib. Ancaq qəza vaxtı oynayıb-oynamadığı və ya diqqəti oyunda olduğuna görə qəzanın qarşısını ala bilmədiyi barədə təxminlər hələ ki, araşdırılır.

Dünya bölməsindən digər xəbərlər

Daha çox