AZ

Qualcomm-dan 5G dəstəkli prosessor anonsu 

qualcomm-5g
18.02.2020 23:45

Qualcomm şirkətindən 5G prosessorları ilə bağlı anons verilib. 


TED.az Türkiyə mətbuatına istinadən xəbər verir ki, anonsa görə, sözügedən prosessorlar hazırkılardan dəfələrlər sürətli olacaq.


Qualcomm-un istehsal etdiyi bəzi prosessorlar hazırda 5G dəstəkli telefonlarda istifadə edilir. Firma rəhbərliyi isə bununla kifayətlənmək fikrində deyil. 


Son aylarda 5G-dən tez-tez söz edilir. Ancaq dünyanın bir çox ölkəsində bu texnologiyadan istifadə edilmir. Sözügedən sistem hələ ki, bəzi mobil cihazlarda istifadə edilməyə başlayıb. Telefon prosessoru istehsalında ilk pillədə olan Qualcomm da bu yeniliklə ayaqlaşmaq üçün addımlar atır. 

 


Şirkətdən bildirilib ki, 5G texnologiyasını dəstəkləyən prosessorlar növbəti ildən etibarən istifadə olunacaq.


X60 texnologiyasının istifadə edildiyi bu prosessolar sayəsində əldə edilən bağlantı sürəti dəfələrlə böyük olacaq. Məsələn, X60 modeminə sahib Qualcomm prosessoru 7.5 Gbps sürətilə endirmə, eləcə də 3 Gbps sürətilə yükləmə əməliyyatı həyata keçirə biləcək. Bundan əvvəlki model olan X55 modemli prosessorlar ise 7 Gbps sürətlə endirmə edə bilirdi. Yükləmə gücü isə hər iki modemdə eyni - 3 Gbps olaraq qalır. 

Dünya bölməsindən digər xəbərlər

Daha çox