Vətəndaşları tətbiq etdikləri fərqli üsullarla tələyə salmağa çalışan kiber cinayətkarlar bu dəfə LinkedIn sosial şəbəkəsinin baş bəlası olub. Elektron Hökumətin bir nüsxəsini yaradan və LinkedIn-də reklam verən fırıldaqçılar qurbanlarını bu sayta cəlb etməklə şəxsi məlumatlarını oğurlamaq məqsədi güdürlər.

2016-cı ildən bəri Microsoft şirkətinin çətiri altında fəaliyyət göstərən LinkedIn platforması kiber cinayətkarların yeni hədəfinə çevrilib. TED.az xəbər verir ki, daha əvvəl Feysbuk və Tvitter kimi sosial media platformalarında istifadəçilərin məlumatlarını ələ keçirməyə çalışan fırıldaqçılar bu dəfə LinkedIn-ə verdikləri saxta elektron hökumət reklamları ilə vətəndaşları tələyə salmağa çalışırlar.

Elektron Hökumətin bir nüsxəsini yaradaraq LinkedIn üzərindən reklam verən fırıldaqçılar "Banklar ödəniş kartı iaədə əməliyyatına başlayıb. İadəni almaq üçün yuxarıdakı linkə daxil olun" mesajı ilə vətəndaşları saxta veb-saytlara yönəltməyə çalışırlar. Elektron Hökumət görünüşlü saxta sayta girən və bu məlumatı paylaşan insanlar fırıldaqçıların qurbanı olurlar.

Hakerlər bu metoddan tez-tez Tvitterdə də istifadə edirlər. Rəsmi Elektron Hökumət hesabı ilə eyni loqodan istifadə edən fırıldaqçılar diqqətsiz istifadəçiləri tələyə salmağa çalışırlar.