AZ

Mark Zükerberqin Münhendəki çıxışından sonra Feysbuk istifadəçiləri üçün nə dəyişəcək?

mark
19.02.2020 10:25

Həftə Münhendə keçirilən təhlükəsizlik konfransına dair maraqlı müzakirələrlə başladı. Sözügedən tədbirə 35 ölkənin rəhbər nümayəndələri, müdafiə və xarici işlər nazirləri qatılmışdı.

 

TED.az xəbər verir ki, konfransda çıxış edən spikerlərdən biri də Feysbuk sosial şəbəkəsinin yaradıcısı Mark Zükerberq idi.

 

Münhen konfransının sədri Wolfgang Ischinger Zükerberqi auditoriyaya təqdim edərkən, olduqca maraqlı ifadə işlədib: “Əgər Feysbuk dövlət olsaydı, Zükerberq dünyanın ən nəhəng ölkəsinin prezidenti olardı. Çünki Feysbuk istifadəçilərinin sayı ən böyük dövlətin əhalisindən belə çoxdur”.

 

 

 

Mark Zükerberq Wolfgang Ischingerin fikrinə razılıq olaraq, başını tərpədib və son illərdə Feysbukun internetdə 200 seçki kampaniyasında iştirak etdiyini bildirib: “Sosial şəbəkələrin öz süni intellekti var. Bu intellekt feyk hesabları tanıyır. Son zamanlarda sözügedən süni intellekt Rusiya, Ukrayna və İrana məxsus 50 hesabı silib”.

 

35 min əməkdaş saxta hesab axtarır

 

“Feysbukda formalaşmış komanda hər gün sosial şəbəkədə onlayn-kontentin monitorinqini aparır. Komanda da 35 min şirkət əməkdaş çalışır. Bu il ərzində sözügedən şöbəyə ayıracağımız vəsait sosial şəbəkənin birja kapitalından daha çox olacaq”.

 

Feysbukda 20 əsas təhlükəli mövzu...

 

Feysbukda 20 əsas təhlükəli mövzu var deyən Zükerberq bunların hər zaman diqqətdə saxlanıldığını qeyd edib: “Bu siyahıya seçki, terror, pedofillik, pornoqrafiya, kiberbulling və s. daxildir. İldə 2 dəfə komanda bu paylaşımların və feyk profillərin hesabatın verir. Təhlükəli mövzulardan biri isə “heispichi”dir. Bu istifadəçilər ictimai şəkildə insanlara və ya şirkət brendlərinə nifrətini bildirirlər. Sosial şəbəkə əməkdaşları bununla aktiv şəkildə mübarizə aparır. Belə bir halla qarşılaşdıqda istifadəçi diskussiyaları bloklanır”.

 

İndi 2016-cı il deyil

 

Zükerberq çıxışında Feysbukun 2016-cı ildəki iş metodunu da bir neçə dəfə xatırladıb: “İndi 2016-cı il deyil və biz istənilən müdaxiləni dərhal silirik. Hesab edirəm ki, dörd istiqamətdə, yəni seçki, kontent, fərdi məlumatlar və informasiyaya görə məsuliyyət sferasında nəzarət mütəmadi qaydada aparılmalıdır. Çünki bu sahələrdə qəbul edilən qərarlar sosial şəbəkələrin balansına təsir edir”.

 

Biz mətbuat deyilik ...

 

 

 

“Məsuliyyətdən söz düşmüşkən əgər jurnalist qəzet üçün material yazırsa, həm müəllif həm də media məsuliyyət daşıyır. Sosial şəbəkədə belə deyil. Şəbəkə istifadəçilərini məsuliyyətə cəlb etmək çətindir”.

 

 

Zükerber hesab edir ki, sosial şəbəkələri media ilə müqayisə etmək düzgün deyil: “Çünki Feysbukun kontenti daha böyükdür. Şəbəkə əməkdaşları isə kontenti yoxlayıb redaktor vəzifəsini icra edə bilməz. Zərərli kontentlə münasibəti tənzimləmək lazımdır. Sual yaranır ki, burada hansı tənzimlənmə aparılmalıdır. Bunun üçün iki variant var. Bu qəzet və ənənəvi mediadır”.

 

İstifadəçiləri nə gözləyir?

 

Mark Zükerberqin bu çıxışı daha çox siyasətçilər üçün hədəflənmişdir. Əgər diqqət yetirsək, onun siyasətçilərə verdiyi siqnalı aydın sezmək olar. Bu siqnalla Zükerberq indi 2020-ci il olduğunu və 2016-cı ildə baş verənlərin təkrarlanmayacağını vurğulayıb: “Süni intellekt Feysbuk əməkdaşlarının xoşuna gəlməyən siyasi reklamları dərhal siləcək. Bunun üçün bir neçə saniyə vaxt lazım olacaq”.

 

 

Zeynəb ƏKBƏR

 

Dünya bölməsindən digər xəbərlər

Daha çox