AZ

Ötən il Azercell-in Mobil Göz klinikasında 901 nəfər pulsuz müayinə edilib

mobil-goz
21.02.2020 21:27

Azercell şirkəti ötən il abunəçilərinin istifadəsinə daha müasir dizayna malik olan “Kabinetim” şəxsi kabinet xidmətini təqdim edib. 


Bu barədə TED.az-a şirkətdən məlumat verilib. 


Bildirilib ki, bundan əlavə, geridə qoyduğumuz ildə nömrələrin sadə fiziki sim-paketlərə bağlılığı da tamamilə aradan qaldırılıb. Hazırda nömrələrin satışı mərkəzləşdirilmiş www.azercellim.com onlayn bazasının köməyilə həyata keçirilir. 


Rəqəmliliyi, eyni zamanda, Korporativ Sosial Məsuliyyət strategiyasında əks etdirən Azercell təhsilin inkişafı, gənclərin inkişafı, uşaq hüquqlarının qorunması, sağlamlığın müdafiəsi, rəqəmsal savadlılığın artırılması, mədəni irsin qorunmasına töhfə verən təşəbbüslərini də davam etdirib. 


Yay aylarını əhatə edən “Rəqəmsal dünya bölgələrdə” layihəsi çərçivəsində şirkət nümayəndələri düşmənlə təmas xəttində yerləşən Cocuq Mərcanlı qəsəbəsi də daxil olmaqla, həmçinin, uşaq evləri, internat məktəbləri, məcburi köçkün düşərgələrinin sakinləri və aztəminatlı ailələrə hədiyyələr payladılar, onlar üçün Azercell Mobil Diş və Mobil Göz klinakalarında pulsuz müayinələr təşkil etdilər. 


Qeyd edək ki, 2011-ci ildən fəaliyyət göstərən Azercell-in Mobil Göz klinikasında da ötən il ərzində Bakı və bölgələrdən 901 nəfər pulsuz göz müayinəsindən keçib. 


10 il ərzində kimsəsiz uşaqlara, sosial qayğıya ehtiyacı olan vətəndaşlara xidmət edən Mobil Diş Klinikasında isə son il ərzində 547 pulsuz diş müayinəsi və müalicəsi olub. 


Qeyd edək ki, uşaqların və uşaq hüquqlarının müdafiəsi istiqamətində fəallığı ilə seçilən Azercell onların rəqamsal mühitdə qorunmasına xüsusi diqqət yetirir. 


Ötən il ərzində şirkət “Rəqamsal vətəndaşlıq və internet təhlükəsizliyi” mövzusunda ölkənin müxtəlif bölgələrində uşaqlar, valideynlər və müəllimlər üçün xüsusi təlimlər təşkil edib. 

e-Azərbaycan bölməsindən digər xəbərlər

Daha çox