Türkiyənin milli elektrikli qatarının nə zaman xəttə çıxarılacağı məlum olub. 

TED.az türk mətbuatına istinadən xəbər verir ki, Türkiyənin sənaye və texnologiya naziri Mustafa Varankın sözlərinə görə, qatar mayın 29-da ilk səfərinə çıxacaq. 

Nazir qeyd edib ki, həmin gün xəttə üç qatar çıxarılacaq: "Hər şey yolunda getsə, sentyabrda elektrikli qatar vətəndaşların ixtiyarına veriləcək". 

Bu qatarların saatda 160 kilometr sürətlə hərəkət edə biləcəyini deyən M.Varank, növbəti addımın 200 km/s sürət həddini keçən sürət qatarlarının istismara verilməsidir.

O vurğulayıb ki, gələcək 15 ildə Türkiyənin dəmiryolu xətlərinə 15 milyard avro yatırım edəcəyini də diqqətə çatdırıb.