AZ

Yeni yaradılan Elektron sistem vasitəsilə yaşıllıqların növü və sayı dəqiq bilinəcək

 

Yasıllaşdırma
22.02.2020 09:32

“Yaşıllıq sahələrinə nəzarət edilməsi üçün elektron və vizual məlumat bazasının yaradılması çevik qərarların verilməsi, ərazinin analiz edilməsi, bunun nəticəsində yeni ərazilərdə əlavə yaşıllıqların salınmasına qərar verilməsinə böyük dəstək olacaq”.

 

TED.az xəbər verir ki, bunu Ekologiya və Təbii Sərvətlər Nazirliyində keçirilən mətbuat konfransında Bakı Şəhər İcra Hakimiyyətinin Yaşıllaşdırma Təsərrüfatı Birliyinin baş mühəndisi Cavanşir Məmmədov deyib.

 

C.Məmmədov bildirib ki, bu, zamanında qaldırılmış məsələdir və mütəmadi olaraq həyata keçirilməsi zəruridir: “Bakı şəhərində yaşıllıqlar əsasən 60-80-ci illərdə salındığından mövcud yaşıllıqların ən azı 50-60 yaşı var. Bu səbəbdən də ağacların dekorativ nöqteyi nəzərdən yararsız vəziyyətə düşməsi, atmosferin, küləklərin təsirindən sınması, eybəcər hala düşməsi qanuni haldır. Məhz Ekologiya və Təbii Sərvətlər Nazirliyinin ilkin olaraq Bakı şəhərində yaratdığı yaşıllıq sahələrinə nəzarət edilməsi üçün elektron və vizual məlumat bazası bizə imkan verəcək ki, ərazilərdə daha dəqiq olaraq ağac və kol növlərinin seçərək əkilməsinə nail olaq”.

 

Qeyd edək ki, yaşıllıq sahələrinə nəzarət edilməsi üçün ETSN-ı tərəfindən elektron vizual məlumat bazası yaradılıb.

 

 

Fatimə  ZÜLFİQAR

e-Azərbaycan bölməsindən digər xəbərlər

Daha çox