Huawei şirkəti tərəfindən 5G texnologiyası ilə bağlı cihaz istehsalına dair 91 kommersiya müqaviləsi imzalanıb.

TED.az xəbər verir ki, bu haqda şirkətin məlumatında deyilir.

ABŞ başda olmaqla bir neçə ölkə tərəfindən müxtəlif təzyiqlərə baxmayaraq, görünür Huawei-in 5G sferasında işləri uğurla davam edir.

Şirkət tərəfindən 5G cihazları ilə bağlı 91 müqavilənin bağlanılması ilə yanaşı, 600 mindən çox MIMO AAU komplekti (Massive MIMO texnologiya bazası əsasında aktiv anten sistemi) istehsal edilib.

Şirkət rəsmilərinin açıqlamalarına görə, Huawei şirkəti 5G sahəsinə aid innovativ həllər tətbiq edən müəssisələrə növbəti 5 ildə 20 milyon dollar investisiya yatıracaq.

Qeyd edək ki, Huawei ötən il 5G cihazları ilə bağlı 60 kommersiya müqavilə imzalayıb.

Sahə mütəxəssislərinin fikrincə, bu il 5G şəbəkəsinə qoşulanların sayı 200 milyona, növbəti ildə isə 500 milyona çatacaq.