"Azəriqaz İstehsalat Birliyi müdaxilələri minimuma endirəcək yeni şəffaf sayğac qutuları abonentlərin istifadəsinə verəcək. Qutular həm mexaniki, həm də elektron sayğaclar üçün asanlıqla istifadə ediləcək. Xarici təsirlərə - xüsusən də zərbələrə davamlıdır. Beləliklə, sayğaclara müdaxilələr minimuma enəcək".

TED.az xəbər verir ki, bunu Azəriqaz İstehsalat Birliyinin baş direktoru deyib.

Direktor bildirib ki, qutular ayrılıqda 2 yerdən möhürlənəcək: "Abonent ilə Birlik arasındakı yersiz mübahisələr, ittihamlara əsas qalmayacaq. Dövlət yoxlanışı zamanı sayğac qutu ilə birlikdə götürüləcək və müvafiq müəssisədə abonentin öz iştirakı ilə açılaraq lazımi prosedura təqdim ediləcək. Abonent mexaniki sayğacın göstəricisini qutunun üzərindən asanlıqla oxuya bilər, elektron sayğaclarda isə qutunun üzərindəki kiçik pəncərə açılmaqla kart vasitəsilə balansı artırmaq mümkündür".