Əlçatan flaqmanlar alıcıları daha çox cəlb edir

Ötən il ən populyar smartfonlar sırasında lider iPhone XR olub.

TED.az xəbər verir ki, bu haqda “Omida” şirkətinin məlumatında deyilir.

Mütəxəssislərin araşdırmasına əsasən, Apple şirkəti ötən il 46,3 milyon iPhone XR modelini satışa çıxarıb. Bu rəqəm 2018-ci illə müqayisədə 2 dəfə çoxdur. Büdcəli smartfon adlandırılan iPhone 11 flaqmanından isə ötən il 37,1 milyon ədəd satışa çıxarılıb.

HƏMÇİNİN OXU: Azərbaycanın mobil telefonlar üzrə bazar payı artıb

Top onluğun ilk beşliyində Samsung şirkətinin bir neçə  smartfonu da yer alıb: Galaxy A10 (30,3 milyon), Galaxy A50 (24,2 milyon) və Galaxy A20 (19,2 milyon). Bu modellərin ardınca isə  iPhone 11 Pro Max və iPhone 8 gəlir. Birinci modeldən 17,6 milyon, ikinci modeldən isə 17,4 milyon cihaz satışa çıxarılıb. Onluğa düşən telefonlar sırasında  Redmi Note 7 (16,4 milyon), iPhone 11 Pro (15,5 milyon) və Samsung Galaxy J2 Core (15,2 milyon) də qeyd olunub.

Qeyd edək ki, mobil telefon mağazaları arasında keçirilən sorğuya əsasən, Azərbaycan ötən il ən populyar smartfonlar Samsung Galaxy A50, Samsung A 20s, Samsung 10 modelləri olub.