2019-cu ilin dekabr ayında Çinin Uhan şəhərində meydana çıxan koronavirus demək olar ki, bütün dünyaya yayılıb. Çin Milli Səhiyyə Komissiyası tərəfindən verilən açıqlamada ölənlərin sayının 2 min 594 nəfərə çatdığı bildirilib.

TED.az xəbər verir ki, koronavirus epidemiyasının yayılması və ölkədəki pis qorxunu dağıtmaq üçün Çin ictimai təhlükəsizlik rəsmiləri tərəfindən dronlar vasitəsi ilə mübarizəyə başlanılıb.

Epidemiya ilə mübarizə məqsədilə Kənd Təsərrüfatı Texnologiyaları Korporasiyası ilə birlikdə işləyən DJI, 1,5 milyon dollar ayrılıb. Tədqiqat və sınaq proseslərindən sonra xlor və ya etil spirti əsaslı dezinfeksiyaedici vasitəni havadan püskürtmək üçün uyğun metodlar hazırlanıb. Bu şəkildə dronların köməyi ilə Çində ictimai ərazilərdə dezinfeksiya apararaq virusla mübarizədə mühüm bir addım atılıb.

Şenzhendə dronlarla 3 milyon kvadrat metrdən çox ərazidə dezinfeksiya prossesinə daha 1000 bölgə əlavə edilib. 600 milyon kvadrat metr ərazini əhatə edən hədəf ərazilərə fabriklər, yaşayış sahələri, xəstəxanalar və tullantıların təmizlənməsi müəssisələri daxildir. Vaxtın kritik rol oynadığı koronavirus böhranında, DJI tərəfindən tətbiq olunan dezinfeksiya prosesi sayəsində ənənəvi metodlardan 50 qat daha sürətli nəticə əldə edilib.