Lazımsız fayllardan və dublikatlardan qurtuluruq, fotoşəkilləri və videoları buludlara yükləyirik, tətbiqlərin keşini təmizləyirik və yüklənmiş musiqini silirik.

Müasir smartfonların daxili yaddaşının həcmi artıq olduqca uyğun göstəricilərə çatıb. İndi 128 GB daxili yaddaşa sahib olan smartfonla heç kəsi təəccübləndirmək olmaz, lakin ucuz modellərdə hələ də 32 və hətta 16 GB-dan daha az yaddaş var. Tətbiqlərin ölçüsü, həmçinin şəkil, xüsusən də video yazılarının artan qətnaməsini nəzərə alsaq, bu, müasir standartlara görə kifayət etmir. Ona görə də istifadəçilər yeni tətbiq quraşdırmaq lazım gəldikdə gec-tez yaddaşın olmaması problemilə üzləşirlər.

TED.az olaraq bu yazıda tez bir zamanda yeni proqram üçün smartfonda yer boşaltmağın sadə yolları haqqında danışacağıq.

Foto və videoları buluda göndərin

Müasir smartfonun yaddaşında ən çox yer tutan foto və videolardır. Google Photo kimi xidmətlər foto və videoları yükləməyinizə imkan verir, lakin şəkillər orijinal keyfiyyətdə yüklənmir, proqram tərəfindən sıxılır. Lakin əksər istifadəçilər üçün bu, problem olmamalıdır. Belə proqramlar serverə yükləndikdən dərhal sonra faylları daxili yaddaşdan silməyi təklif edir. Yəni tək-tək əllə etmək lazım deyil.

Dublikat şəkilləri silmək

Adətən, gözəl kadr istəyiriksə, bir neçə şəkil çəkmək lazımdır. Həmişə birinin gözü yumulu və ya görüntünün bulanıq olduğu şəkillər olur. Bu cür uğursuz fotoşəkilləri dərhal silmək lazım olduğu halda, çox vaxt unudularaq qalır və nəticədə yaddaşı doldurur. Bütün foto arxivi əl ilə yoxlamaq yorucu bir işdir, amma burada xüsusi tətbiqlər köməyə gəlir. Onların sayı həddindən artıq çoxdur, ona görə də həmişə olduğu kimi qiymətləndirmələrin və reytinqlərin sayına diqqət yetirin.

Google Files tətbiqindən istifadə edin

Android-də yer boşaltmağa kömək edəcək rəsmi tətbiq var. Avtomatik olaraq nəyin silinməli olduğunu axtarır və kateqoriyalara bölür. Rəsmi olduğu üçün təhlükəsizlikdən narahat olmaq lazım deyil. Ancaq digər oxşar proqramlarla bir az diqqətli olmaq gərəkdir.

Keşi təmizləyin və ya istifadə edilməmiş tətbiqləri silin

Android-də parametrlərdə ən çox nəyin yer tutduğunu aydın görə bilərsiniz. "Saxlayıcı və USB-daşıyıcılar" bölməsinə keçin. Burada hansı faylların boş yeri tutduğunu görəcəksiniz. Əsasən bu yeri tətbiqlər tutur. Bir şey silmək istəmirsinizsə, hər hansı fərdi tətbiqin və ya hamısının yaddaşını təmizləmək kömək edə bilər. Təhlükəsizdir və heç bir şey pozulmayacaq.

İOS-da sadəcə keşi təmizləməklə alınmayacaq. Bunu yalnız tətbiqi silmək və yenidən qurmaqla edə bilərsiniz və ya müəyyən bir tətbiqin inkişaf etdiriciləri tərəfindən həyata keçirildiyi təqdirdə parametrlərdə edə bilərsiniz. Keşi təmizləmək əvəzinə, istifadə edilməmiş tətbiqləri iPhone-dan silə bilərsiniz. Bunu parametrlərdə edə bilərsiniz. Bu yolu təqib edin: "Əsas" – “iPhone Saxlayıcısı”. Sonra proqramı seçin və "Boşaltmaq" düyməsini basın. Nəticədə bütün parametrlər, sənədlər və tətbiq nişanı cihazda qalacaq, ancaq tətbiqin özü silinəcək.

Saxlanılan musiqini silin

Əvvəllər yolda musiqi dinləmək üçün onu cihazın yaddaşına yükləməli və saxlamalı olurduq, indi isə sürətli internet sayəsində artıq lazım deyil. Buna baxmayaraq, bəzi musiqilər hələ də smartfonda saxlanıla bilər. Apple Music və ya Yandex kimi xidmətlər də mövcuddur. Musiqi internet olmadığı halda dinləmək üçün saxlanıla bilər. Bundan əlavə, musiqi həm də tətbiqin yaddaşında saxlanılır ki, hər dəfə yenidən yüklənməsin. Məsələn, Yandex-də treklər silindikdə keş dərhal təmizlənir.

Şəfiqə RƏŞİD