“Bu gün Nazirlər Kabineti yanında Operativ Qərargahla razılaşdırıldıqdan sonra qərara gəlinib ki, 19, 20 və 21 mart tarixlərində həm rayon, həm də Bakı şəhəri, Sumqayıt şəhəri və Abşeron rayonunda qeydiyyatdan olan sərnişinlərin regiona gedişləri təmin olunsun. Bakı Beynəlxalq Avtovağzal komleksi bu ərəfədə adi iş rejimində çalışacaq”.

TED.az xəbər verir ki, bunu Dövlət Avtomobil Nəqliyyatı Xidmətinin İctimaiyyətlə Əlaqələr sektorunun müdiri Nuridə Allahyarova deyib.

“28-29 martda regiondan paytaxta qayıtmaq istəyən Bakı şəhəri, Sumaqayıt şəhəri və Abşeron rayonunda qeydiyyatı olan sərnişinlərin geri dönüşü təmin olunacaq. Digər sərnişinlərin geri dönüşünə icazə verilməyəcək. Bütün avtovağzallara nümayəndələr səfərbər edilərək, həm dövlət, həm də özəl avtobuslarla rayon qeydiyyatlı sərnişinlərin daşınmasının qarşısı alınacaq”, - deyə N.Allahyarova əlavə edib.