Nar mobile koronavirusla görə yarım milyon bağışladı
Narmobile mobil operatoru Prezident İlham Əliyevin 2020-ci il 19 mart tarixli fərmanı əsasında yaradılan Koronavirusla Mübarizəyə Dəstək Fonduna yardım ayırıb.
TED.az xəbər verir ki, operator fonda yarım milyon manat ianə edib. Bundan əlavə, ölkədə koronavirusun yayılmasının qarşısını almağa çalışan tibb personalını, o cümlədən xüsusi rejimli xəstəxanalarda nəzarətdə olan şəxsləri pulsuz mobil rabitə ilə təmin edərək, "TƏBİB” ilə birlikdə ölkə ərazisində epidemiya ilə mübarizə aparan karantin xəstəxanalarına və tibb mərkəzlərinə 50 manat dəyərində Nar ödəmə kartlarının paylanmasını təşkil edib. Bununla yanaşı, ölkədə koronavirus əleyhinə aparılan fəaliyyətə dəstək olmaq üçün 1542 qaynar xətt nömrəsinə edilən zənglər də tamamilə ödənişsizdir.
Qeyd edək ki, Koronavirusla Mübarizəyə Dəstək Fonduna Azercell 2 milyon, Bakcell mobil operatoru isə 1,5 milyon manat vəsait ianə edib.