Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidməti (DANX) Azərbaycan prezidentinin ölkəmizdə koronavirus infeksiyasına yoluxma hallarının qarşısının alınması məqsədi ilə aparılan preventiv və profilaktik tədbirlərin gücləndirilməsi barədə çağırışına dəstək olaraq Koronavirusla Mübarizəyə Dəstək Fonduna ianə etməyi qərara alıb.

TED.az xəbər verir ki, bu barədə DANX-ın mətbuat katibi Nuridə Allahyarova öz Feysbuk hesabında paylaşım edib. 

Qurum rəsmisi qeyd edib ki, xidmətin rəhbər heyəti 1 aylıq əməkhaqqını Koronavirusla Mübarizəyə Dəstək Fonduna bağışlayıb.