Professordan nümunəvi addım: tələbələrinin telefon nömrəsinə vəsait yüklədi
Bakı Dövlət Universitetinin (BDU) professoru mövcud karantin vəziyyəti ilə əlaqədar olaraq tələbələrə dəstək olub.
TED.az xəbər verir ki, BDU-nun Jurnalistika fakültəsinin professoru Cahangir Məmmədli bir-birləri, eləcə də müəllimləri ilə daha rahat əlaqə saxlaya bilmələri üçün bölgələrdə yaşayan on tələbənin telefon nömrəsinə vəsait yükləyib.
Həmin gənclərdən biri olan Jurnalistika fakültəsinin II kurs tələbəsi Qasım Məmmdəli TED.az-a bildirib ki, bir professorun tələbəsinə qarşı bu qədər diqqətli davranması sevindiricidir: "Xüsusilə bu siyahıda mənim də adımın olması çox xoşdur. Cahangir müəllim çox gözəl pedaqoq və çox gözəl insandır. Dərs prosesində də həmişə bizimlə maraqlanır. Çətin anlarımızda dəstək olur".
Fatimə ZÜLFİQAR