Rezidenturaya qəbul olmağa hazırlaşanlara dəstək  məqsədilə  rezidenturaya qəbul imtahanının birinci mərhələsi üzrə otk.az portalındakı onlayn sınaq imtahanı  2020-ci il iyul ayınadək ödənişsiz olacaq.

TED.az xəbər verir ki, Dövlət İmtahan Mərkəzi bu addımı koronavirus infeksiyası ilə əlaqədar ölkədə tətbiq olunan xüsusi karantin rejimini nəzərə alaraq atıb. Onlayn sınaq imtahanı (Azərbaycan və rus bölməsi üzrə) 2020-ci il iyul ayınadək ödənişsiz olacaq.

Yaxın günlərdə portala imtahanın birinci – baza fənləri üzrə biliklərin qiymətləndirilməsi mərhələsi üzrə daha bir ödənişsiz yeni variant sınaq imtahanı yerləşdiriləcək.

İmtahana buradan yazıla bilərsiniz.

Onlayn sınaq imtahanı vermək istəyənlər otk.az portalında qeydiyyatdan keçib və günün istənilən vaxtında biliklərini yoxlaya bilərlər.

Onlayn imtahan başa çatan kimi imtahan nəticələrini əldə edə, yenidən test tapşırıqlarına baxa, onları təhlil edə, öz cavablarınızla düzgün cavabları müqayisə edə biləcəksiniz.

Portalda qeydiyyatdan keçmək və imtahana yazılmaq qaydaları ilə “otk.az”da “Təlimatlar” bölməsində tanış ola bilərsiniz.