Samsung şirkətinin qlobal miqyasda Azərbaycan üzrə bazar payı azalıb.

TED.az xəbər verir ki, bu haqda "Global Stats" analitik şirkətinin məlumatında deyilir.

Məlumata görə, bu ilin mart ayında Samsung şirkətinin Azərbaycan üzrə bazar payı 50,18% olub. Bu rəqəm fevral ayı ilə müqayisədə 2,11% azdır. 

Qeyd edək ki, fevral ayında sözügedən şirkətin ölkəmiz üzrə bazar payı 52,29% olaraq qeydə alınıb.

Xiaomi, Apple və Huawei şirkətlərinin Azərbaycan üzrə bazar payında isə əksinə artım müşahidə olunur.

Mart ayında Xiaomi şirkətinin Azərbaycan üzrə bazar payı 23.66%, Apple-ın 14.12%, Huawei-in isə 4,7% olub. Hər üç şirkətin bazar payında fevral ayına nisbətən ardıcıl olaraq, 1,53%, 2,12%, 0,04% artım qeydə alınıb.