AZ

“İcazələr portalı”nın tab gətirəcəyini bilmək üçün zamana ehtiyac var

324
03.04.2020 15:10

Bu gündən Xüsusi Karantin Rejiminin Tətbiqi Zamanı "İcazələrin Alınması və Monitorinqi Sistemi”nin bir modulu (icaze.e-gov.az) istifadəyə verilib. 

 

Müraciətlərin sayının çox olduğu üçün sistemdə yüklənmə müşahidə olunur. Sistemdə bir nəfərin qeydiyyatı üçün xeyli vaxt tələb olunur. Bu isə yüzlərlə əməkdaşını sistemdən qeydiyyatdan keçirəcək qurumlar üçün çətinlik yaradır.  

 

Ekspertlər bildirir ki, hansısa bir saytın və ya İT sistemin istifadəçi sıxlığına tab gətirməsini yoxlamaq üçün mütləq şəkildə onu sınaqdan keçirmək lazımdır. Sınaq müddətində saytın bu kimi boşluqları aşkarlanır. "İcazələr portalı" bir neçə gün ərzində hazırlanıb. Yəni, zaman baxımından tam şəkildə testdən keçirilməyib. Ekspertlərin fikrincə, portalın istifadəçi axınına tab gətirib gətirməməsini yoxlamaq üçün hələ də zamana ehtiyac var.

 

 

Vətəndaşlara Xidmət və Sosial İnnovasiyalar Agentliyinin direktor müavini Ceyhun Salmanov isə bir az əvvəlki konfransda sadə vətəndaşları icazə üçün bu portala mürəciət etməməyə çağırmışdı: “Düzdür, hazırda saytda yüklənmə olduğunu bilirik. Bunun səbəbini daha çox sadə vətəndaşların icazə almaq üçün bu sayta müraciətlər etmələrində görürük. İnanırıq ki, qadağaların tətbiq edildiyi günə, ayın 5-nə qədər bütün problemlər aradan qaldırılacaq. Vətəndaşların fərdi qaydada evdən çıxmaları isə yalnız müvafiq icazə kodunun SMS vasitəsilə 8103 nömrəsinə göndərilməsi ilə təmin ediləcək. Bu sistem 5 aprel tarixindən etibarən işə düşəcək".

 

Zeynəb ƏKBƏR

e-Azərbaycan bölməsindən digər xəbərlər

Daha çox