Rusiyada virus əleyhinə innovativ maskalar yaradıldı
Rusiyada yeni antivirus maskaları yaradıldı
Onlar təhlükəli mikroorqanizmlərdən qorunmağa kömək edəcək.
TED.az Rusiya mətbuatına istinadən xəbər verir ki, “Rostex” insanları hər hansı bir patogendən qoruyan ən son tənəffüs maskaları hazırlayıb: bakteriya, virus, göbələk və s.
Fotokatalizə əsaslanan qoruyucu qurğular - TIOKRAFT-ın havanın təmizlənməsi texnologiyası katalizator və günəş işığının təsiri altında kimyəvi reaksiyaların sürətlənməsindən ibarətdir. Bu zaman zərərli elementlər oksidləşmə prosesində "parçalanır", su və karbon qazına çevrilir.
Maskanı yaradanlar onun istənilən mikroorqanizmdən, o cümlədən vərəm çöplərindən və göbələklərdən, xoşagəlməz qoxulardan effektiv şəkildə qoruduğunu vurğulayırlar. Koronavirusun dünyada yayıldığı bir zamanda bu istiqamətdə inkişaf hazırda xüsusi aktuallıq kəsb edir.
Antivirus maskanın qiyməti barədə hələ bir söz deyilmir, lakin maskanın ilk görüntüsü artıq yayımlanıb.