Məlum olduğu kimi, aprelin 2-dən Təhsil Nazirliyi tərəfindən "Virtual məktəb" layihəsinə start verilib. Sözügedən layihəyə qoşulmaq üçün şagirdlər “AppStore” və “Google Play” marketlərindən “Microsoft Teams” adlı tətbiqi yükləyib istifadəçi adı və fərdi şifrələri ilə portalda qeydiyyatdan keçməlidirlər. Lakin şagirdlər saytda müəyyən çətinliyin yarandığnı və qeydiyyatdan keçərkən problem yaşadıqlarını bildirirlər. 

TED.az xəbər verir ki, məsələyə münasibət bildirən Təhsil Nazirliyinin mətbuat xidmətindən bildirilib ki, “Virtual Məktəb” layihəsi dayandırılmayıb və saytda qeydiyyat davam etdiriləcək.

"Sadəcə aprelin 2-də virtual.edu.az onlayn portalı üzərindən “Virtual Məktəb”də 35 mindən çox şagird qeydiyyatdan keçib. Hazırda qrupların komplektləşdirilməsi prosesi gedir. Bu proses yekunlaşdırıldıqdan sonra növbəti qeydiyyat mərhələsinə başlanılacaq", - deyə nazirlikdən qeyd olunub.

Zeynəb ƏKBƏR