#EVDƏQAL – tamaşa izlə
Sumqayıt Dövlət Dram Teatrı “Evdə qal, tamaşa izlə” devizi ilə hər həftə teatrsevərlərin virtual görüşünə gələcək.
TED.az xəbər verir ki, layihə çərçivəsində sosial şəbəkə üzərindən aprel ayı ərzində 12-i, 8-i uşaq tamaşası olmaqla 17 fərqli səhnə əsərini izləyicilərə təqdim edəcək.
Aprel ayında həftənin cümə, şənbə və bazar günləri gündüz saat 12:00-da uşaqlar, axşam saat 18:00-da böyüklər üçün canlı yayımla tamaşalar göstəriləcək.
4, 5, 25 apreldə Abdulla Şaiq “Qaraca qız”, 11, 26 apreldə Ərəb xalq nağılı əsasında səhnələşdirilən “Əlibaba və qırx quldur”, 12, 18, 19 apreldə Azərbaycan xalq nağılı “Məlikməmməd”, Vilhelm Qauf “Balacaboy yekəburun”, Mark Tven “Şahzadə və dilənçi” uşaq tamaşaları, 3, 4, 5, 10, 11, 12, 17, 18, 19, 24, 25, 26 apreldə isə ardıcıl olaraq Turqut Özakman “Ocaq”, Con Patrik “Qarını Öldürməliyik”, M.F.Axundzadə “Hacı Qara”, “Müsyö Jordan və dərviş Məstəli şah”, M.B.Marinye “Oğru”, Kamran Nəzirli “Narkoman”, Elçin “Qatil”, Əli Əmirli “20 ildən sonra”, N.Muradoğlu “Zülmətdə nur”, Ə.Əmirli “Sevgilim Sumqayıt”, Con Qolsuorsi “Birincilər və sonuncular”, eləcə də C.Cabbarlı “Solğun çiçəklər” axşam tamaşaları nümayiş etdiriləcək.